Клоп: Историјата на Реал Мадрид не може да се купи, тие се фаворити

фото: EPA-EFE/Alexander Hassenstein

Менаџерот на Ливерпул, Јирген Клоп, во пресрет на вечерашното финале во Лигата на шампионите против Реал Мадрид, порача дека „кралскиот“ клуб е фаворит.

Германецот смета искуството што го има Реал Мадрид со 14 освоени титули европски шампион, како и начинот на кој обезбеди пласман во финалето, со победи во последните моменти од натпреварите против ПСЖ, Челси и Манчестер сити, претставува предност пред вечерашниот натпревар.

– Размислувам само за натпреварот и како да ја подготвам екипата за тоа што ни претстои. Не можеме да го купиме искуството на Реал Мадрид. Некои фудбалери на Реал што ќе настапат вечерва имат четири титули во Лигата на шампионите, тренерот исто така има трофеи – вели Клоп.

Германецот кој седи на клупата на Ливерпул, зборуваше и за финалето што пред четири години се играше во Киев и во кое Реал славеше во 3:1. На тој натпревар,најдобриот фудбалер на Ливерпул, Мохамед Салах мораше предвреме да го напушти натпреварот поради повредата која ја здоби во дуелот со Серхио Рамос.

– За Салах тоа финале беше многу емотивно. Се повреди на тој натпревар и ја разбирам неговата мотивација за вечерашниот дуел. Одмаздата не е единствената работа која не тера напред, гледањето на тој натпревар нема да ни донесе ништо добро бидејќи многу несреќни работи се случија тогаш – грешките на голманот, повредата на Салах, проблемите на останатите играчи… Оваа сезона беше неверојатна за нас иако ќе „ни судат“ по исходот од вечерашното финале Историјата вели дека Реал Мадрид е фаворит, но доколку ја играме нашата игра, тогаш се е можно. Атмосферата во екипата е одлчна, сите живееме за ова финале – додава Клоп.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот