Класикот за Федерер, против Ѓоковиќ за трофејот

Рожер Федерер во недела против Новак Ѓоковиќ по 31. пат во кариерата ќе игра гран слем финале, а 12. пат тоа ќе биде на Вимблдон откако во полуфиналето успеа го победи големиот ривал Рафаел Надал со 3:1 во сетови, 7:6,1:6,6:3,6:4. Ова беше јубилеен 40. меѓусебен дуел, Федерер заостанува (16:24) во триумфите но што е поважно, ова беше трета победа во четирите дуели на Вимблдон против Надал.

Рожер Федерер одигра одличен меч со исклучок на вториот сет, многу подобро сервираше од противникот, беше посигурен во размените и на крајот ја однесе победата.

Швајцарецот првиот сет го доби во тај брејкот откако ниту еден тенисер не успеа да го одзеде сервисотна противникот. Надал возврати во вториот сет со убедливи 6:1 но тоа беше се што успеа да го направи Шпанецот во дуелот против Федерер кој во наредните два сета беше подобар тенисер и сосема заслужено се пласира во финалето.

Негов противник во финалето ќе биде првиот тенисер на АТП ранг листата и актуелен бранител на титулата, Новак Ѓоковиќ кој во меѓусебните дуели води со 25:22. Последниот нивен дуел на Вимблдон беше финалето во 2015 година кое му припадна на Ѓоковиќ со 3:1 во сетови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот