КК Пелистер ќе тестира против поранешни грчки шампиони
Како што известуваат од кошаркарскиот клуб на Пелистер, како дел од подготовките за сезоната 2021/22, договорени се две престижни интернационални натпревари.
КК Пелистер ќе тестира против поранешни шампиони на Грција и освојувачи на евро-куповите, Арис и ПАОК.
На 8 септември битолската екипа од 18.00 часот ќе игра против Арис, а 10 дена подоцна и против ПАОК од 14.30 часот. Двата закажани меча е најавено дека ќе се одиграат во Солун.
Тренерот на екипата, Марјан Илиевски продолжуваат со тренинг сесиите ова лето во спортската сала „Боро Чурлевски“ и со споменатите контролки се темпира формата за новата сезона.
Како што е веќе познато, Пелистер ќе настапува годинава во АБА2 лигата. Што се однесува до составот, во изминатиот период објавено е дека Игор Кесар и Никола Малешевиќ ги продолжија договорите.
Македонските репрезентативци Бојан Трајковски и Бобан Стајиќ како староседелци ги поведоа новајлииите во новата сезона, а новајлии се Димитар Караџовски, Љубомир Младеновски, Марјан Младеновиќ, Стојан Ѓуроски, Дејавид Хогтон и Тејлор Чиз.