Кјелини: Ќе беше подобро Роналдо да си заминеше порано од Јувентус
Капитенот на Јувентус, Џорџо Кјелини без влакна на јазикот проговори за трансферот на Кристијано Роналдо во Манчестер јунајтед.
Португалецот во финишот на преодниот рок го напушти клубот од Торино и се пресели на „Олд Трафорд“, а искусниот дефанзивец на „Старата дама“ смета дека за неговиот тим ќе беше подобро Роналдо порано да го напушти клубот.
– Роналдо замина на 28 август. Ќе беше подобро за нас да заминеше порано. Плативме нешто за тоа, имаше мал шок во тимот, и ја плативме цената за сите загубени бодови.
Доколку тој заминаше порано, ќе имавме повеќе време да се подготвиме подобро – рече Кјелини.
Да потсетиме, Јуве очајно ја отвори сезоната, но, по неколку очајни резултати на почетокот, тимот се разбуди и врза шест триумфи и моментно е на седмото место на табелата во Серија А со 14 бодови, 10 помалку од водечкиот Наполи на Елиф Елмас.
ВИДЕО: Навивач го сакаше дресот на Роналдо, а потоа се разочара од реакцијата на Португалецот