Ќе ве изненади: Ким Катрал имала два услова за да се врати во „Sex and the City“
Верните обожаватели на култната телевизиска серија „Sex and the City“ се воодушевени од веста дека актерката Ким Катрал ќе ја репризира својата улога во продолжението на серијата – „And Just Like That“.
Како што споделија дел од американските медиуми, ликот Саманта Џоунс ќе се појави во последната епизода од втората сезона на „And Just Like That“, во која таа ќе има телефонски разговор со ликот Кери Бредшо на актерката Сара Џесика Паркер.
Сепак, „Пејџ сикс“ дознава дека Катрал не се вратила туку-така во серијата. Според нивните извори, актерката барала да не снима со нејзините поранешни колешки – Сара Џесика Паркер, Кристин Дејвис и Синтија Никсон. Таа повеќе години не е во добри односи со нив, особено со Паркер.
Исто така, таа побарала режисерот Мајкл Патрик Кинг, кој инаку е многу близок со Сара Џесика Паркер, да не биде присутен на сетот.
„Ким имаше два услова, да не глуми со ниту една од нејзините поранешни колешки и да не се види со Мајкл Патрик Кинг“, вели изворот.
ФОТО | Се враќа еден од омилените ликови од „Sex and the City“, обожавателите се пресреќни