Шведскиот шампион Малме обезбеди учество во групната фаза од Лигата на шампионите, откако по голема драма во плеј-офот, успеа да го исфрли бугарскиот Лудогорец (вкупно 3:2).

Малме на тој начин успеа да обезбеди огромни бонуси од УЕФА со минимални инвестиции во засилувања.

За самата групна фаза од Лигата на шампионите ќе профитираат 15,25 милиони евра, и ова ќе биде третпат од сезоната 2014/15, што Малме ќе биде во друштво меѓу 32 најдобри фудбалски клубови во Европа.

Се разбира, ова не е најголемиот успех на великаните од Шведска, тие беа финалисти на Купот на европските шампиони во 1979 година кога беа поразени од Нотингем Форест во Минхен (1:0), но нивните резултати во најсилното европско клупско натпреварување од тогаш беа далеку од добри.

Во меѓувреме, Малме двапати играше во нокаут фазата на Лига Европа, а сега се враќаат на „големата врата“ и со нетрпение ја чекаат жрепката за групната фаза од Лигата на шампионите, која е на програмата во петок. Кој и да добијат, ќе бидат многу задоволни бидејќи заработија многу пари, сите со минимални инвестиции.

ВИДЕО: Малме ќе игра во Лигата на шампионите

Последните инвестиции беа Серхио Пена (Емен) и Мартин Олсон (Хекен), за што издвоија вкупно 1,5 милион евра, додека заработија 100 илјади повеќе на трансфери и така се во плус. Една година пред тоа, тие платија надомест само за Веjко Бирманчевиќ (Чукарички), милион евра, додека повторно профитираа малку повеќе од заминувањата на играчите.

Во сезоната 2019/20, тие не платија надомест за ниту еден играч, една година пред тоа, „лимитот“ повторно беше еден милион евра – за двајца играчи – Ердал Ракип и Ромен Гала – со тоа што тогаш заработија дури 5,5 милиони евра.

Последниот пат тие потрошија повеќе за играчи отколку што заработија во 2017/18 година. Потоа, пристигнаа Сарфо, Страндберг, Невин, Бинаку, Бачира и Далин за вкупно 5,30 милиони евра, а заработија 2,89 милиони. Може да се каже добро работат и трошат пари мудро во шведскиот Малме, и тоа им се враќа преку резултати.