ВИДЕО | Ќе ги заменат Кардашијан: Семејството на Силвестер Сталоне сними реално шоу
Американскиот актер Силвестер Сталоне и членовите на неговото семејство ќе бидат главните ѕвезди во новата документарна серија „The Family Stallone“ („Семејството Сталоне“), која ќе почне да се емитува оваа пролет на „Парамаунт плус“, пишува „Пипл“.
Имено, „Парамаунт плус“ во четвртокот ја најави новата документарна серија од осум епизоди, во која ќе се појават Силвестер Сталоне, неговата сопруга Џенифер Флавин Сталоне и нивните три ќерки – Систин (26), Софија (24) и Скарлет (20).
View this post on Instagram
Дополнително, тие објавија и рекламен спот во кој се прикажани актерот и неговите ќерки, како се качуваат на „планината на забавата“.
Како потсетување, Сталоне и Флавин стапија во брак во 1997 година. Иако важеа за еден од најскладните парови во Холивуд, во август минатата година тие најавија дека ќе се разведат.
Гласините за разводот започнаа кога Флавин сподели фотографија со трите ќерки и напиша: „Овие девојки ми се приоритет. Ништо друго не е важно. Само ние четири засекогаш“.
View this post on Instagram
Меѓутоа, само еден месец подоцна, тие ги надминаа нивните брачни проблеми и го прекинаа разводниот процес.
Тогаш Сталоне објави фотографија на која двојката се држи за раце, со што даде знак дека повторно се заедно со сопругата.
View this post on Instagram
Повеќе на темата:
Сталоне се разведува по 25 години брак, тетоважата со ликот на сопругата ја прекри со куче
Ги збуни обожавателите: Сталоне објави романтична фотографија со сопругата по веста за разводот
„Ми се отворија очите“: Сталоне откри како го спасил 25-годишниот брак
