Ќе блесне ли метрополата во новогодишно руво, градската управа уште не открива
На првиот ден од последниот месец од годината скопјани се` уште не знаат дали ќе се кити Скопје или не.
Во време на економска криза, сообраќаен хаос, проблеми со греењето и енормна загаденост на воздухот, новогодишната атмосфера на граѓаните им е и повеќе од потребна.
Сепак градските власти сеуште не откриваат дали ќе се кити Скопје, дали ќе биде поставена новогодишна елка на Плоштад како и дали ќе светкаат сијалички долж булеварите.
Од Град Скопје на прашањата упатени од „Слободен печат“ кратко ни одговорија дека за тоа дополнително ќе бидеме информирани.
– Со тематска прес конференција ќе бидат најавени сите активности поврзани за новогодишната прослава со цел информирање на граѓаните – е краткиот одговор кој го добивме од Град Скопје.
Исто така, остануват отворени и прашањата дали годинава скопјани на плоштад ќе можат организирано да ја дочекаат Нова Година како и дали ќе се организира традиционалната манифестација „Винтерленд“.