Кирјос во одбрана на Ѓоковиќ: И Новак е човек, бидете подобри кон него
Лошото момче на тенисот, Ник Кирјос, застана во одбрана на Новак Ѓоковиќ поради третманот кој го има Србинот од австралијските власти при неговото доаѓање во Мелбурн каде треба да ја брани титулата на Австралија Опен.
Откако му беше укината визата, Новак Ѓоковиќ веднаш приложи жалба на таквата одлука, и до изрекување на конечната одлука, тој е сместен во хотел за мигранти во Мелбурн.
„Видете, дефинитивно верувам во тоа дека треба да се преземе некаква акција, јас се вакцинирав поради здравјето на другите и здравјето на мајка ми, но ова како се носиме со ситуацијата со Новак е лошо, навистина лошо. Смешни се шегите кои ги правите, насловите, тој е еден од големите шампиони. На крајот на краиштата, тој е човек, бидете подобри“, напиша Кирјос на својот профил на Твитер.
Look I definitely believe in taking action, I got vaccinated because of others and for my mums health, but how we are handling Novak’s situation is bad, really bad. Like these memes, headlines, this is one of our great champions but at the end of the day, he is human. Do better.
— Nicholas Kyrgios (@NickKyrgios) January 7, 2022