Кирјос повторно го нападна Ѓоковиќ - Слободен печат
ОстанатoСпорт

Кирјос повторно го нападна Ѓоковиќ

Австралијанецот гостувајќи кај познатиот тениски новинар Бен Ротенберг, уште еднаш изнесе низа обвинувања на сметка на најдобриот светски тенисер со кого не е во најдобри односи.

Ник Кирјос  еден од најконтроверзните тенисери на денешницата не крие дека не го поднесува Новак Ѓоковиќ и ја користи секоја можност тоа и јавно да го искаже.
Овој пат Кирјос тоа го стори за време на гостувањето кај познатиот тениски новинар Бен Ротенберг.

– Новак има болна опсесија да им се допадне на сите.  Не можам да ја поднесам неговата желба да им допадне на луѓето. Се ежам од тоа. Колку и да освои Гран слем титули, Новак никогаш нема да биде најдобар тенисер во историјата. Ако не можеш да ме победиш не можеш да бидеш најдобар на сите времиња. Доколку повторно играм со него и го совладам, ќе славам пред него – изјави Кирјос.

Досега Кирјос и Ѓоковиќ играле два пати меѓу себе и во двата наврати триумфираше Австралискиот тенисер. Потенцијалната трета пресметка помеѓу двајцата тенисери е во четвртфиналето на Мастерс турнирот во Рим.

Нападите кон Ѓоковиќ не престанаа тука, Кирјос го прокоментира и скорот на неговиот пријател Енди Мареј кој има 11 победи и дури 25 порази од светскиот рекет број еден.

– Скорот на Енди во дуелите со Ѓоковиќ е срамен. Мислам дека е многу подобар тенисер од него – уште еднаш Кирјос ја потврди нетрпеливоста кон Ѓоковиќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close