Кирјос по три години триумфира на АТП турнир
Австралискиот тенисер Ник Кирјос триумфира на турнирот во Вашингтон откако во финалето беше поуспешен од Јошихита Нишиока во два сета со 6:4,6:3.
Ова воедно беше прва титула за Кирјос уште од 2019 година кога исто така во Вашингтон славеше во финалето над сега првиот светски тенисер Данилк Медведев.
TITLE #7 🏆@NickKyrgios defeats Yoshihito Nishioka 6-4, 6-3 to become the 2022 #CitiOpen Champion 🔥@CitiOpen pic.twitter.com/ahiCdsYcoM
— ATP Tour (@atptour) August 7, 2022
Финалистот од Вимблдон подобро го отвори мечот и уште во првиот гем направи бејк по што со сигурен сервис ја задржа предноста до крајот за 6:4 и водство од 1:0 во сетови.
И вториот сет започна идентично, Кирјос во првиот гем успеа да направи брејк и благодарение на добриот сервис не му дозволи на Нишиока данаправи брејк и на крајот дојде до седмиот триумф во кариерата.
Кирјос во Вашингтон триумфираше и во игра на двојки, тој заедно со Џек Сок во финалето ги победија Иван Додик и Остин Крајичек со 7:5,6:4.