Кирјос ќе го судат, му се заканува казна од две години затвор

EPA-EFE/TOLGA AKMEN

Додека лошото момче од Австралија игра на Вимблдон, од Канбера добил покана за суд поради физички напад на поранешната девојка

Тенисерот Ник Кирјос треба да се појави на суд во Австралија откако беше повикан да се соочи со обвинение за напад на поранешна девојка. Австралиецот (27), кој во понеделникот стигна до четвртфиналето на Вимблдон, следниот месец ќе се појави пред судот во Канбера.

Полициската служба на австралиската престолнина денеска потврди дека Кирјос бил повикан да се соочи со обвинение за напад на неговата поранешна девојка. Судската покана се однесува на инцидент во Канбера што се случил минатиот декември.

– Полициската служба потврдува дека 27-годишен маж од Вотсон треба да се појави на суд за започнување на процес на 2 август во врска со едно обвинение за напад во инцидентот во декември 2021 година – рече портпаролот.

Поканата, наводно, се однесува на тврдењето дека Кирјос ја нападнал физички поранешната девојка, Кјара Пасари. Максималната казна за обвинението е две години.

Кирјос утре треба да игра во четвртфиналето на Вимблдон против Кристијан Гарин од Чиле. Тој на Вимбдон успеа веќе да „заработи“ две парични казни, една од 8.260 фунти затоа што плукнал кон еден гледач и една од 3.300 фунти за пцуење.

Видео на денот