Кирјос: Ѓоковиќ е нашиот Леброн, мора да биде пример за другите

epa08928927 Serbian tennis player Novak Djokovic takes part in a training session at Puente Romano tennis club, in Marbella, southern Spain, 09 January 2021. Djokovic prepares himself for the Australia Open that takes place in Melbourne Park from 08-21 February. EPA-EFE/Antonio Paz

Австралискиот тенисер Ник Кирјос повторно имаше коментар за Новак Ѓоковиќ, потенцирајќи дека Србинот мора да се однесува одговорно затоа што е пример за другите играчи.

Кирјос во повеќе наврати јавно го именуваше најдобриот играч на светот, особено по Адриа Тур.

– Мислам дека е важно играчите да бидат повикани на одговорност, особено кога станува збор за некој кој е лидер на нашиот спорт. Ѓоковиќ е технички нашиот Леброн Џејмс, тој мора да биде пример за сите други тенисери. Едноставно, не беше вистинското време за она што го правеше за време на пандемијата. Сите правиме грешки, но мора да одговараме и за нив. Ние мора да бидеме одговорни. Ние сме колеги, се натпреваруваме едни со други во ист спорт, а никој друг не го именуваше – рече Кирјос.

Ѓоковиќ: Или сите тројца одиме заедно во пензија или никој

Тениската сезона продолжува на 1 февруари со турнири во Мелбурн, а играчите во моментов се во карантин. Поради здравствени протоколи, на 72 тенисери во машка и женска конкуренција не им беше дозволено да тренираат поради контакт со лица заразени со коронавирус.

– Здравјето и безбедноста се на прво место. На крајот на краиштата, станува збор само за тенис, не треба да ги кршиме протоколите заради еден турнир. Играчите знаеја што ги чека кога се согласија да дојдат. Никој нема причина да се жали – додаде Кирјос.

Потсетување дека првиот грен слем турнир годинава „Австралија опен“ започнува на 8 февруари.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот