Ник Кирјос во третото коло го победи Стефанос Циципас со 3:1 во сетови во меч кој беше исполнет и со контроверзни моменти, а во еден таков момент австралискиот тенисер побара неговиот противник да биде дисквалификуван.

Имено, Кирјос само што го доби вториот сет со 6:4 и израмни на 1-1 во сетови, Циципас бесно го удри топчето кое одлета на трибините. Поради тој потег Кирхос побара од судијата да го суспендира грчкиот тенисер.

😬😬#Wimbledon pic.twitter.com/GrcodXoHCe

— Tennis Channel (@TennisChannel) July 2, 2022

– Тоа е дисквалификација! Дали си глуп или …? Значи можеш да го удриш топчето кон трибините, да погодиш некого и да не биде дисквалификуван? Дали треба некој сега да биде повреден? Ти си срамота – му рече Кирјос на судијата.

Австралискиот тенисер потоа го спомена и примерот со Новак Ѓоковиќ кој беше дисквалификуван на УС Опен 2020 година бидејќи со топче погоди линиска судијка во вратот.

– Донеси друг супервизор, адвокат. Што се случи со Новак? Тој го удри силно топчето, таа (судијката) беше повредена? О боже. Сакам супервизори да дојдат тука. Не можеш удираш топка кон трбибините, да погодиш и да не бидеш дисквалификуван – рече Кирјос.

Сепак, судијата не ја промени одлуката, не го суспендира или санкционира Циципас и мечот продолжи, а на крајот славеше Кирјос во четир сета.