Ќириќ: Од Келн направија прав потег, Чурлинов го чека светла иднина! (ФОТО+ВИДЕО)
Ексклузивно за „Слободен печат“ говореше Саша Ќириќ (51) кој е спремен да помогне, секако кога биде потребно, во интерес да се развие уште повеќе фудбалот во нашата земја, со мисли за сегашноста и иднината.
Со голема внимателност следејќи ги наредните големи перспективи, како и со својот придонес во Академијата на ФФМ, проект кој е секако многу важен преку кој може да се создаваат квалитетни млади фудбалери и на тој начин личности со вистински спортски вредности.
Со внимание го следи и настапот на новата македонска фудбалска надеж и репрезентативец, Дарко Чурлинов (18) кој исто така игра во делот на нападот, му се предвидува светла иднина:
-Дарко го познавам од времето кога тој заедно со Димитар Митровски на млада возраст заминаа во Росток. По нивното заминување во Магдебург, почнав уште поинтензивно да ги пратам и како дел од ФФМ јас ги имав контактите со одговорните луѓе во клубот за сè што е во врска со нив. Даре го имаше тој правилен пат на развој за секој еден млад играч каде што одеше скалило по скалило нагоре, од помали во поголеми клубови – ни изјави Ќириќ.
Darko #Churlinov is doing the business once again ??⚽️ #effzeh pic.twitter.com/iv1uXGTgEA
— 1. FC Cologne (@fckoeln_en) January 7, 2019
Ќириќ своевремено како професионален фудбалер, врвен голгетер во дресот на бундеслигашките екипи Ајнтрахт Франкфурт и Нирнберг. За Нирнберг моментно е во Топ 10 најдобри стрелци во историјата на клубот со 48 голови. Беше дел уште од Тенис Борусија Берлин, Кикерс Офенбах, Арау, Вардар, ЦСКА Софија, Вардар, Пелистер, Металург и Слога Умин Дол.
Селекторот на А репрезентацијата, Игор Ангеловски одново го повика Чурлинов, овој месец беше и во составот за последните два квалификациски натпревари за ЕП 2020 година во Скопје против Полска и Австрија.
– Неговата техника, брзиот дриблинг и продор, а и неговата одговорност во играта ги забележаа и луѓето од Келн кои направија прав потег привлекувајќи го Даре во нивната младинска екипа каде што тој ги покажува неговите врвни квалитети. И ние во ФФМ реагиравме и му дадовме кратка минутажа во нашиот најдобар состав на македонија и со тоа тој стана најмлад македонски репрезентативец во историја – додаде Ќириќ.
Дебитираше за сениорите во пријателскиот дуел со Белорусија (3:0) на 28 март 2017 година. Во изминатата сезона 2018/2019 беше прв стрелец во јуниорската Бундеслига – Запад со 18 голови за младинскиот тим на Келн во чии бои стрелаше и за освојување на Покал Купот.
That’s how much it means, just look at Darko! ?⚪️#effzeh under-19s claim FVM-Pokal glory thanks to a last-minute penalty in a 1:0 win over Bayer Leverkusen ? pic.twitter.com/MH6MXURnMo
— 1. FC Cologne (@fckoeln_en) May 18, 2019
И луѓето што го водат првиот тим на Келн (кој од наредната сезона ќе игра во најсилната германска лига) се свесни за големиот потенцијал што го поседува нашиот играч. Имаат намера и натаму да го повикуваат Чурлинов како тренира со сениорите на оваа екипа, што е секако големо признание и дополнителен стимул да работи и тренира уште повеќе.
-Добро за него е што првата екипа на Келн полека го приклучува кон тренинзи и пријателски натпревари не дозволувајќи пребрзо да „изгори“, а самиот Даре на тие тренинзи, а посебно на мечевите на последните зимски подготовки кои ги имаше со првиот тим покажа дека тие можат сериозно да сметаат на него во иднина –
Ќириќ на Чурлинов му предвидува светла иднина познавајќи ја работата на германските клубови, особено кога се во прашање млади играчи, а со самото тоа и ние како држава и репрезентација ќе имаме придобивки. Еве ги неговите препораки:
– Можеби јас лично во моментов би му препорачал повеќе да настапува за нашата У21 селекција каде што би добил полна минутажа и би бил носител на играта, отколку да биде на клупата на А репрезентацијата, чекајќи го правиот момент кога ќе блесне и во неа. Сè на сè, му посакувам во иднина само да остане здрав и сочуван од повреди, а тој ќе ни врати со успеси како на клупски, така и на репрезентативен план – заврши Ќириќ.