Киплагат и Черотич од Кенија победници на Скопскиот маратон, Ивановски второпласиран
Денеска на Скопскиот маратон кој се одржа на улиците на главниот град доминираа натпреварувачите од Кенија.
Во машка конкуренција триумфираше Кениецот Онесмус Киплимо Киплагат со време од 02:18.19 часа, пред македонските натпреварувачи Дарио Ивановски (02:33.07) и Никола Илиевски (02:43.28).
Кај жените првопласирана беше Кенијката Катерин Черотич со време 02:38.48 часа, пред нашите претставнички Билјана Кираџиева (03:04.49) и Тамара Попов (03:23.00). Сите резултати можете да ги погледнете ТУКА
Скопскиот маратон кој традиционално е во организација на Сојузот на спортови на Град Скопје, се организира со поддршка на бројни спортски клубови и асоцијации, а под покровителство на Град Скопје, Агенцијата за млади и спорт и Канцеларијата на Европската Унија.
Град Скопје по 18 пат беше домаќин на Скопскиот Маратон на кој оваа година беа пријавени над 8500 учесници од 47 земји низ светот.