Млад Кинез скокнал од Стариот мост во Мостар и не испливал од Неретва
Триесетгодишен државјанин на Кина бил мажот кој на 31. јануари скокнал од Стариот мост во Мостар и не испливал од реката Неретва, соопшти босанската полиција, откако претходно се верувало дека станува збор за државјанин на Малезија.
Потрагата по неговото тело се уште не дала резултати, а за случајот е известена и кинеска амбасада во БиХ.
– Несреќното момче, како што ни е кажано, ноќта изнајмило апартман и буквално веднаш потоа зел пешкир и заминал на мостот, од кој скокнал. Неговиот трагичен скок бил снимен од граѓаните, на кои дури и им се обратил, но тие ништо не го разбрале. Во апартманот се пронајдени негови лични предмети, меѓу кои и неговиот пасош, лаптоп и два мобилни телефона – пишува „Дневни аваз“.
Во полицијата потврдиле дека момчето еден период пред тоа престојувало во БиХ, при што неколкупати ги шокирало граѓаните на Сараево одејќи по снег бос и само во шорцеви, со ранец на грбот.