Кинез ја запалил својата поранешна сопруга додека снимала за „Тикток“

Танг Лу истурил бензин и ја запалил 30-годишната Ламу додека снимала пренос во живо на Тик Ток/ Фото: ЕПА

Кинеските власти во четвртокот осудија на смрт маж кој ја запалил поранешната сопруга додека снимала пренос во живо, пишува Би -Би -Си.

Во септември минатата година, Танг Лу истурил бензин и ја запалил 30-годишната Ламу додека снимала пренос во живо. Ламу била фармерка од провинцијата Сечуан и знаела често да емитува свои видеа во живо преку „Douyin“, кинеската верзија на „ТикТок“. Таа починала две недели по нападот.

Лу беше прогласен за виновен за убиство во четвртокот, осуден на смрт и мора да плати отштета.

Според извештајот на кинеската државна телевизија CCTV, Танг во минатото физички ја злоупотребувал Ламу, поради што парот се разведе во јуни 2020 година. Лу подоцна во неколку наврати повторно ја запросувал, но таа одбивала.

Кинеските активисти за човекови права велат дека земјата има проблем со семејното насилство бидејќи идејата дека семејните конфликти се приватен проблем е се уште вкоренета во општеството.

Во Кина, злоупотребата не се сметаше за причина за развод до 2001 година, и дури во 2015 година беше воведен првиот национален закон за забрана на семејно насилство.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот