Кинез грабнат како дете, по 32 години ги пронајде своите биолошки родители (ВИДЕО)
Последните 10 години кинеската полиција помогна 6.300 грабнати деца да си ги пронајдат биолошките родители со помош на ДНК тестови.
Кинез кој бил грабнат кога имал две години, 32 години подоцна со помош на полицијата ги пронајде своите биолошки родители.
Мао Јин во 1988. имал две години кога е грабнат пред хотел во градо Џиан (во средиштето на Кина), соопшти локалната полиција.
Детето било продадено на една двојка без деца во соседната провинција Сечуан ( во југозападниот дел од земјата), кои го одгледале како сопствен син.
Тој вчера конечно ги сретна своите биолошки родители.
Неговат амајка Ли Јингџи на државната телевизија CCTV раскажа дека по исчезнувањето на синот го напуштила работното место и безуспешно поделила повеќе од 100.000 летоци за киднапирањето.
Последните 10 години кинеската полиција помогна 6.300 грабнати деца да си ги пронајдат биолошките родители со помош на ДНК тестови, пренесува службената новинска агенција Нова Кина.
Киднапирањето деца било често во 80-тите години, кога се спроведуваше политика на едно дете по семејство и кога порасна побарувачката за машки деца во Кина.