Кинеските газди му веруваат на тренерот Конте
Денеска Антонио Конте оствари конструктивна средба со првите луѓе на миланскиот клуб и во интерес на континуитетот и стратегијата, двете страни се договорија и натаму да продолжат да работат заедно на клупскиот проект.
После поразот во финалето на Лига Европа од Севиља, почнаа шпекулациите за заминување на Конте од клупата на „неро-аѕурите“.
Вкупно 10 дена драма околу иднината на искусниот италијански стратег, во минатата сезона многу се очекуваше од него, во Серија А ја освои втората позиција на табелата со само еден бод зад шампионот Јувентус.
А покрај загубеното финале на меѓународната сцена, не успеа ниту да дојде до трофејот во националниот Куп.
Конте сега може со сите сили да се фокусира на подготовките за новата сезона која стартува следниот месец.