На азиските берзиб во вторникот цената на акциите порасна, а инвеститорите се охрабрени од подобрените извештаи за производствените активности на Кина.

„MSCI“ индексот на азиско – пацифичките акции забележа раст од 0,9 отсто со што ја надополни загубата од тргувањето претходниот ден.

Притоа на берзата во Токио „Nikkei“ индексот скокна за речиси 2 отсто, додека цената на акциите во Шангај, Хонг Конг, Сингапур, Австралија и Јужна Кореја забележаа пораст од околу 0,6 до 1,6 отсто.

Азиските инвеститори беа охрабрени од вчерашниот раст на берзантските индекси на „Wall street“ со што надополнија дел од загубите од претходната недела.

Доброто расположение на пазарите е и како резилтат на податоците за растот на производствените активности на Кина кои се подобри од очекуваните.