Кинескиот министер за надворешни работи најверојатно ќе ја посети Јапонија уште во октомври, изјави владин извор откако лидерите на двете држави се согласија да поддржат контакти на високо ниво за унапредување на регионалната и меѓународната стабилност.

За време на посетата, Ванг ќе разговара со неговиот јапонски колега Тошимицу Мотеги и премиерот Јошихиде Суга.

Посетата ќе дојде откако Суга и кинескиот претседател Си Џинпинг се согласија да остварат повеќе контакти на високо ниво за време на телефонски разговор во петокот.

Суга и Ванг најверојатно ќе се договорат за зајакнување на економските врски меѓу народите. Посетата беше најавена претходно од јапонската телевизија НХК.

Суга, кој стана премиер на почетокот на овој месец, мора да управува со односите со поголемиот јапонски сосед, бидејќи врските меѓу Кина и САД се влошуваат поради пандемијата на коронавирусот и долготрајните трговски несогласувања.