„Huawei Technology“ ја обезбеди својата позиција како најбараниот снабдувач на телекомуникациска опрема „5G“, и покрај силниот притисок на американската влада да ја намали работата на кинескиот технолошки гигант.

Од 91 комерцијален „5G“ договори кои досега ги потпишани од „Huawei“, повеќе од половина се од Европа.

Аналитичарите велат дека постојаното зголемување на договорите покажува дека „Huawei“ ја има стекнато довербата на повеќе странски телекомуникациски оператори со своите технолошки способности, а неоснованите обвинувања за безбедноста на Вашингтон не успеале да ги убедат дури и некои од најблиските американски сојузници.

Од „Huawei“ велат дека потпишаните 91 трговски „5G“ договори претставува зголемување од скоро 30 во однос на минатата година.

Компанијата соопшти дека 47 од „5G“ договорите се во Европа, 27 во Азија и 17 во други региони.

„Huawei“ ќе инвестира 20 милиони американски долари во иновативни „5G“ апликации во текот на следните пет години.