Кинеската компанија „ЦРДЦ“, главниот дизајнер за реконструкцијата на железничката пруга до Унгарија – вклучувајќи го и делот поврзан со реновирањето на железничката станица во Нови Сад, чија настрешница се сруши на 1 ноември минатата година, при што загинале 15 луѓе – беше избрана за подготовка на проектната и техничката документација за линијата 3 на белградското метро, беше објавено на официјалната страница на градот Белград, објавија српските медиуми.
Како што е наведено, во постапката за јавна набавка за подготовка на проектна и техничка документација за линијата 3 на Белградското метро, бил избран конзорциум предводен од компанијата “ЦРДЦ – Кинеска корпорација за дизајн на железници Србија”.

“Во избраната група на понудувачи, покрај ЦРДЦкако носител на листата, исто така постои и реномираната компанија „Луј Берже“ со “Ко дизајн” од Белград, со поддршка на локалните подизведувачи. Договорот “Подготовка на проектно-техничка документација: Студија за изводливост со идејниот проект и студијата за проценка на влијанието врз животната средина за линијата 3 на Белградското метро” беше потпишан вчера од страна на директорот на јавното комунално претпријатие “Белградско метро и воз” Андреја Младеновиќ и секретарот за јавен превоз на градот Белград Радован Кремиќ со Јан Јонгџин, во име на филијалата на ЦРДЦ во Србија.