Кинеска компанија ги дезинфицира вработените пред да почнат со работа
Акцијата се одржува во рамки на борбата против епидемијата на коронавирусот, известуваат локалните медиуми.
Компанија во југозападниот кинески град Чонгчинг изгради тунел во кој ги дезинфицира вработените пред тие да започнат со работа.
Акцијата се одржува во рамки на борбата против епидемијата на коронавирусот, известуваат локалните медиуми.
Тунелот е опремен со инфрацрвени детектори кои го активираат спреј кога таму ќе влезе некое лице, извести „Кина њуз сервис“, а пренесе „Ројтерс“.
Луѓето во Кина полека се враќаат на работа оваа недела, откако поради избивањето на коронавирусот беше продолжен одморот по повод лунарната Нова година, ограничен јавниот превоз и преземени други мерки со цел ограничување на ширењето на вирусот.
Од коронавирусот во Кина починаа повеќе од 1.100 чуѓе, додека заразени се речиси 45.000 лица.
Фото: Илустрација/Профимедиа
