КИНА СЕ ЗАКАНИ СО ВОЈНА: Ако некој се обиде да го отцепи Тајван, нашата војска ќе биде подготвена да реагира
Кинеското Министерство за одбрана предупреди дека се подготвени за нова војна ако Тајван се обиде да прогласи независност, а го предупредија и САД дека ја поткопуваат глобалната стабилност, осудувајќи ја и американската продажба на оружје на оваа островска држава.
Пентагон и Стејт департмент овој месец одобриле продажба на оружје на Тајван, вредно 2,2 милијарди долари.
Во ова оружје биле вклучени тенкови и Стингер ракети. Кина на тоа одговори со предупредување дека ќе воведе нови санкции кон сите американски компании вклучени во тој договор.
Портпаролот на кинеското Министерство за одбрана, Ву Кијан, на конференција за медиуми претстави документ во кој пишува дека Пекинг ќе направи се за мирно обединување со Тајван.
– Ако постојат такви кои ќе се осудат да го одделат Тајван од државата, кинеската војска ќе биде подготвена за војна, со цел да ги зачува националниот суверенитет, единство и територијален интегрирет – вели портпаролот на Министерството.