Кинеската здравствена управа соопшти дека во земјата повторно се регистрирани локални жаришта на корона вирусот последниве неколку дена и упати апел до надлежните повеќе да внимаваат при укинување на рестрикциите па дури и да се стопира процесот.

– Иако напорите за превенција и контрола на корона ворусот се нормализирани, тоа не значи дека може да дојде до попуштање на мерките, вели Ми Фенг, портпарол на Националната комисија за здравство.

Кинескиот град Вухан од каде и почна да се шири заразата, а вирусот го обиколи цел свет и однесе голем број жртви до сега, а предизвика и несогледливи економски штети, вчера извести дека повторно регистрирал кластер на корона вирус откако пред еден месец градот истакна дека се справил со епидемијата и беше повторно отворен.