Кина ја одобри за итна употреба вакцината Синовак Биотек против Ковид-19 за деца на возраст од 3 до 17 години, соопшти претседателот на компанијата Јин Веидонг во изјава за државната телевизија. Масовната вакцинација во Кина, каде што беа администрирани 723,5 милиони дози до 3 јуни, сега опфаќа само лица постари од 18 години.

Државната компанија Синофарм, чиј производ, во две дози, користи технологија слична на онаа на Синовак, исто така, претстави податоци со цел да добие дозвола да се инјектира во помладите групи. Вакцинатата CanSino Biologics, која користи различна технологија, е во втора фаза од тестирањето кај млади од 6 до 17 години

Синовак, исто така, ги заврши клиничките испитувања од втора фаза, при што на учесниците им беше инјектирана трета засилувачка доза по двете редовни, рече Јин, но предупреди дека компанијата допрва треба да заврши долгорочно следење на траењето на антителата пред да им препорача на властите да администрираат и трета доза.