Кина лансираше неколку балистички ракети Донгфенг во водите околу североисточниот и југозападниот брег на Тајван, почнувајќи од 13:56 часот по локално време (06:56 часот по Гринич), пишува Ројтерс, кој се повикува на извор од тајванското Министерство за одбрана.

Ракетите Донгфенг се оние со кои управува Кинеската Народноослободителна армија.

Тајванското Министерство за одбрана соопшти дека активирало поврзани одбранбени системи како одговор на лансирањето, додавајќи дека ја осудува ирационалната акција на Кина, која го уништи регионалниот мир, објави Ројтерс.

Shippers are rerouting vessels as China begins largest-ever military exercise around Taiwan
🇨🇳🚢🇹🇼

⚠️ China began drills at noon and advised ships not to get near the exercises
🏭 The disruption is the latest inconvenience for strained supply chainshttps://t.co/U91vqjqvlp pic.twitter.com/mw1KFNW2Yj

— Stephen Stapczynski (@SStapczynski) August 4, 2022

Аналитичарите за Би-Би-Си велат дека можно сценарио е Кина да се подготвува да истрела балистички ракети  кои можат да паднат многу блиску до брегот на Тајван.

Тоа го направи Кина во 1996 година, последен пат кога тензиите меѓу Пекинг и Тајпеј станаа толку лоши. Но, овој пат, кинеската армија е многу поблиску до Тајван.

Постои загриженост и поради фактот што една од зоните на истрел е на исток од Тајван во Тихиот океан.

Така, аналитичарите велат дека е можно Кина да се подготвува да истрела ракета над Тајван. Тоа би се сметало за големо нарушување на воздушниот простор на Тајван.

Кина ги започна „стратешките“ воени вежби во водите околу Тајван