Кина ги цензурира новинарите на Мундобаскет
Најголемиот спортски настан ова лето, Светското првенство во кошарка кое од 31 август до 15 септември ќе се одржи во Кина, веќе предизвикува негодувања кај спортските новинари.
Имено, претставниците на седмата сила се жалат на лошите услови за работа во Кина, а тоа на јавноста и го презентира српски новинар.
„Вака ФИБА помага да се промовираат нејзините натпреаврувања“, стои во твитот на новинарот Крстановиќ.
This is how @FIBA helps promote its own events #fail #FIBAWC pic.twitter.com/K1kRgZmuDn
— Alex Krstanovic (@acabgd) August 25, 2019
Кинеските власти не дозволуваат користење на социјални мрежи како Фејсбук, Инстаграм, Твитер, Јутјуб и слични.
„На медиумите им е обезбеден ви-фи во сите сали на кои ќе се играат натпреварите од СП. Таа конекција нема да дозволи пристап на интернет страници како Фејсбук, Твитер, Инстаграм, Јутјуб и слични“ стои со соопштението кое ФИБА им го испратила на сите акредитирани новинари.
Значи, сите апликации кои денеска се задолжителни во новинарската работа и без кои не може да се работи, да се испрати фотографија, видео снимка или текст ќе бидат забранети преку споменаците апликации.