Кина ги цензурира новинарите на Мундобаскет – Слободен печат
КошаркаСпорт

Кина ги цензурира новинарите на Мундобаскет

На пет дена до стартот на СП во кошарка во Кина, новинарите негодуваат бидејќи не можат да користат социјални мрежи.

Најголемиот спортски настан ова лето, Светското првенство во кошарка кое од 31 август до 15 септември ќе се одржи во Кина, веќе предизвикува негодувања кај спортските новинари.
Имено, претставниците на седмата сила се жалат на лошите услови за работа во Кина, а тоа на јавноста и го презентира српски новинар.

„Вака ФИБА помага да се промовираат нејзините натпреаврувања“, стои во твитот на новинарот Крстановиќ.

Кинеските власти не дозволуваат користење на социјални мрежи како Фејсбук, Инстаграм, Твитер, Јутјуб и слични.

„На медиумите им е обезбеден ви-фи во сите сали на кои ќе се играат натпреварите од СП. Таа конекција нема да дозволи пристап на интернет страници како Фејсбук, Твитер, Инстаграм, Јутјуб и слични“ стои со соопштението кое ФИБА им го испратила на сите акредитирани новинари.

Значи, сите апликации кои денеска се задолжителни во новинарската работа и без кои не може да се работи, да се испрати фотографија, видео снимка или текст ќе бидат забранети преку споменаците апликации.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close