Ким Кардашијан открива детали од страшниот грабеж: Гледав во пиштолот и си реков, СЕГА ЌЕ УМРАМ!
За време на Париската модна недела во 2016 година, познатата ѕвезда Ким Кардашијан беше ограбена.
Провалниците влегле во нејзиниот апартман во хотелот и украле накит во вредност од 10 милиони долари.
Сега старлетата прв пат реши да раскаже како ова искуство делувало на неа, особено моментот кога ја врзале и го впериле пиштолот кон нејзината глава.
„Го носев новиот дијамантски прстен што ми го подари Канје (кој е проценет на 4,5 милиони долари), а во Париз го понесов и целиот накит што го имав“, рекла Ким за „True Hollywood Story“.
„Требаше со Кортни и со Кендал да излеземе во град по ревијата, ама се предомислив. Се спремав да си легнам кога слушнав трчање по скалите. Крадците влегоа во мојот апартман, го сакаа мојот прстен и накитот и јас им дадов сè. После ме врзаа, ми ставија леплива лента на устата, на рацете и на нозете. Тоа беше најстрашниот момент во мојот живот. Само помислив, сега ќе умрам. Тие 10 минути го сменија целиот мој живот“, се присетува Ким.
По овој настан Кардашијан долго страдаше од параноја, а имаше и психички проблеми. Сега освен што внимава што објавува на друштвените мрежи, го зголемила и своето обезбедување.
Како изгледал нападот и зошто петмината вооружени разбојници ја ограбиле токму Ким, открил домарот на хотелот за американската телевизија „Inside edition“, која дури и го реконструирала целиот напад.
Погледнете како изгледа.
