Американската ријалити ѕвезда и најпопуларната старлета во светот, Ким Кардашијан, сними реклама за компанија за доставување на храна во Австралија наречена „Uber Eats“ за точно еден милион долари и 45 секунди кадар.

Имено, Ким ја имаше главната улога во реклама со хумористичен карактер што трае многу кратко време и која започнува со реченицата:

„Вечерва ќе јадам…“, а потоа ги набројува крцкавото пилешко и другите нарачки.

Друштво во рекламата и прави австралиската комичарка Магда Субански, попозната како Шаз, која ѝ „се подсмева“ на Ким и ја учи да ги изговара зборовите со австралиски акцент.

Во првата реклама, Ким има долга црна коса врзана во репче, додека во следната реклама е ишишана на краток боб со шишки, што наводно го сторила колешката од рекламата.

Поентата на целата приказна е брзината и тие сакаа да потенцираат дека испораката на храна преку оваа компанија пристигнува буквално за секунда.

Фановите коментираа дека Ким изгледала како кукла и имала нула харизма во рекламата, дека е преплатена за работа што траела околу 45 секунди.

Рекламата беше објавена во номеври минатата година, но дури сега излезе информацијата колку Ким е платена за оваа улога. Оваа информација вознемири многумина кои работат 8 часа дневно и се уште не можат да ја достигнат оваа сума со години.