Ким: Благодарение на нуклеарното оружје безбедноста на Северна Кореја е загарантирана

epa08568097 A photo released by the official North Korean Central News Agency (KCNA) shows Kim Jong-Un (C), chairman of the Workers' Party of Korea, chairman of the State Affairs Commission of the Democratic People's Republic of Korea and supreme commander of the armed forces of the DPRK, visiting the Fatherland Liberation War Martyrs Cemetery to pay noble tributes to the fallen fighters of the People's Army on the occasion of the 67th anniversary of the Korean people's victory in the great Fatherland Liberation War, in Pyongyang, North Korea, 27 July 2020. EPA-EFE/KCNA EDITORIAL USE ONLY

Тој додаде дека Северна Кореја развила нуклеарно оружје за да се стекне со „апсолутна сила” со цел да спречи повторен вооружен судир.

Лидерот на Северна Кореја, Ким Џонг-ун изјави дека повеќе нема да има војна благодарение на нуклеарното оружје, што ја гарантира безбедноста и идината на земјата и покрај несмалениот надворешен притисок и воени закани, објавија денеска севернокорејските медиуми.

Ким тоа го изјави на вчерашното одбележување на 67-годишнината од завршување на Корејската војна, што траеше од 1950 до 1953 година. Во 1953 година потпишано е примирје помеѓу Северна и Јужна Кореја, но мировниот договор се уште не е потпишан, поради што двете држави технички и понатаму се во војна.

Тој додаде дека Северна Кореја развила нуклеарно оружје за да се стекне со „апсолутна сила” со цел да спречи повторен вооружен судир.

– Сега сме способни да се одбраниме од каков било облик на притисок со висок инетнзитет и воени закани од империјалистите и непријателските сили. Благодарение на нашата сигурна и ефикасна самоодбранбена нуклеарна сили нема повеќе да има војна и безбедноста и иднината на нашата земја се цврсто, засекогаш загарантирани, посочи Ким.

Тој вчера ги посети националните гробишта и на воените официри им додели трофејно оружје по повод 67-годишнината од завршување на Корејската војна.

Државната новинска агенција КЦНА објави дека Ким ги посетил Гробиштата на мачениците од татковинската ослободителна војна во предградието на Пјонгјанг, каде се погребани загинатите во Корејската војна.

Ким на офицерите им додели комеморативни пиштоли „Паекустан”, наречени по светата планина во Северна Кореја.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот