Екипата на Борец направи вистински подвиг во 12. коло со победата над Академија Пандев од 1:0. Единствениот гол на средбата беше дело на Никола Прелчец во 80.минута.

Со победата Борец му избега на четири бодови на Работнички кој е закован на дното на табелата, а исто така му направи и услуга на Вардар кој пак е лидер во првенството со 27 бодови, три повеќе од Академија Пандев.

Актуелниот првак Шкендија и под водство на новиот тренер Ернест Ѓока игра променливо. Овој пат Шкендија ремизираше на гостувањето кај Македонија ЃП играјќи 0:0.

Ренова и Шкупи одиграа без победник (2-2). И во двата наврати Ренова прва постигнуваше гол за водство, прво Фисник Зука, а потоа и Ненад Мишковски,но Шкупи до бод дојде благодарение на головите на Марин Јурина и на Фатјон Јусуфи.

Силекс благодарение на голот на Иван Ивановски во 64.минута дојде до триумф над Струга Трим Лум.

ПРВА ЛИГА, 12.КОЛО
Македонија ЃП – Шкендија 0:0
Силекс – Струга ТЛ 1:0
Борец – Академија Пандев 1:0
Ренова– Шкупи 2:2
Работнички – Вардар 0:2

Табела: Вардар 27, Академија Пандев 24, Шкупи 17, Македонија ЃП 17, Шкендија 15, Силекс 15, Струга ТЛ 14, Ренова 14, Борец 14, Работнички 10.