Кикс на Борусија во Берлин (ВИДЕО)
Борусија Дортмунд сосема неочекувано го доживеа првиот пораз во новата сезона во Бундес лигата, губејќи на гостувањето кај Унион Берлин со 3:1. Киксот на Борусија го искористи Лајпциг кој сега е лидер на табелата со масксимални девет бодови.
Изненадувањето го најави Мариус Бултер со голот во 22. минута, иако Пако Алкасер само три минути подоцна го израмни резултатот. Домашните фудбалери во второто полувреме покажаа дека не признаваат фаворити и со головите на Бултер и на Андерсон ја заверија победата.
За разлика од Борусија, големиот ривал Баерн Минхен го торпедира Мајнц со 6:1 и се искачи на второто место на табелата со седум бодови по три
кола. Павар, Коман, Алаба, Перишиќ, Левандовски и Дејвис им приредија вистинско гол шоу на своите навивачи на „Алијанц Арената“.