Кикиљас: Грција е целосно подготвена за коронавирусот
Паралелно во Министерството за здравство е во тек состанокот свикан од министерот, а по завршувањето, во попладневните часови, тој ќе замине за Солун, каде што е хоспитализирана 38-годишната жена со коронавирусот.
Целосно сме подготвени, нема причина за паника, порача грчкиот министер за здравство, Василис Кикиљас на неговиот официјален „Твитер” профил по потврдениот прв случај на коронавирусот во Солун, јави дописничката на МИА од Атина.
– Првиот случај на новиот коронавирус во нашата земја е потврден. Тоа беше нешто што го очекувавме. Целосно сме подготвени. Не постои причина за паника, напиша Кикиљас.
Паралелно во Министерството за здравство е во тек состанокот свикан од министерот, а по завршувањето, во попладневните часови, тој ќе замине за Солун, каде што е хоспитализирана 38-годишната жена со коронавирусот.
Министерот за здравство ќе одржи состанок во Солун на кој ќе учествуваат префектот, градоначалникот, управителите на здравствените периферии од северна Грција, како и претседателот на грчката медицинска асоцијација.