Кратко по фантастичниот трејлер во текот на презентацијата на “Microsoft”, на бината на E3 саемот се појавил и самиот Кијану, што дополнително ја кренало атмосферата.

Актерот имал многу што да каже за својата улога во играта “Cyberpunk 2077”, но еден фан го прекинал со повикот дека го одзема здивот, што му обезбедило бесплатна копија од оваа долгоочекувана игра.

Неколку дена подоцна, и далеку од повиците на публиката, Кијану имал можност да ги открие впечатоците од појавувањето на E3 саемот и во самата игра и тоа од свој агол.

Тој за IGN зборувал за светот во Cyberpunk 2077, и за тоа какви одлични работи не очекуваат во играта, како и за својата улога како еден од споредните ликови кои ќе не следат во голем број на авантури.

Во едно интервју, директорот на XBox, Фил Спенсер, ги пренел впечатоците на актерот и открил дека Кијану бил едноставно воодушевен од позитивната реакција на публиката на неговото појавување, што малку и го збунило.