САД: Киднапирано девојче преку Снепчет се спаси од силувачи
Девојче успеало преку социјалната мрежа Снепчет да ги информира своите пријатели дека е киднапирана, а притоа им ја испратила својата локација.
Четрнаесетгодишно девојче успеало да се спаси од тројца киднапери во Северна Калифорнија, благодарение на социјалната мрежа Снепчет.
Петнаесетгодишниот Алберт Томас Васкес во вторникот на девојчето му дал супстанции кои ја онеспособиле, а потоа ги повикал двајца пријатели за да му погмонат да ја внесат во автомобил, соопштено е од полицијата.
Според наводите, Васкес потоа сексуално ја злоупотребувал девојката во автомобилот, а потоа заедно ја однеле во мотел во Сан Хозе, кадешто повторно ја злоупотребил, пренесува Си-Ен-Ен.
Девјочето сепак успеало по пат на социјалната мрежа Снепчет да ги информира своите пријатели дека е киднапирана, а притоа им ја испратила својата локација.
Нејзините пријатели повикале полиција која брзо стигнала во мотелот и тоа во моментот кога Васкес се обидувал да го напушти. Тој е уапсен за киднапирање со намера за силување на дете, лажно претставување и силување по користење на супстанции.
Неговите соучесници се обвинети за киднапирање и завера.
Снепчет овозможува комуникација на корисниците, испраќање на фотографии и видео-клипови, а можно е и да се сподели својата локација со следачите.