Според соопштението на Кошаркарската федерација на Македонија, сите натпревари под капата на оваа организација се одложуваат на наодредено време, почнувајќи од вчера. Тоа значи дека Првата лига, мажи, како и сите други кошаркарски натпревари во организација на КФСМ се одложени.

– Земајќи ја предвид моменталната состојба со појавата и ширењето на коронавирусот како и препораките на Владата на РСМ и Светската здравствена организација, со цел да се заштити здравјето и безбедноста на играчите, тренерите, службените лица и навивачите, раководството на Кошаркарската федерација на Северна Македонија објавува дека сите натпревари во организација на федерацијата од денеска, четврток, 12 март 2020 година со одложуваат на неодреден временски период. КФСМ ќе продолжи да ја следи состојбата на дневна основа и ќе ги оценува опциите за продолжување или не, на соодветните натпревари кога и ако ситуацијата тоа го дозволи – се вели во соопштението.