Кетрин Зита-Џонс открива кој е мажот што најмногу ја инспирира
Иако живее со двајца мажи, сопругот Мајкл Даглас и синот Дилан, сепак мажот што најмногу ја инспирира не е еден од нив!
Како што открива на својот инстаграм-профил, станува збор за нејзиниот татко Дејвид Џејмс Џонс кој отсекогаш бил најголема поддршка.
„Денес е роденден на татко ми! Тој е личноста која најмногу ме инспирира! Среќен ти роденден тато!“, напиша на својот инстаграм-профил актерката Кетрин објавувајќи фотографија на која позира со татко ѝ.
Кетрин Зита-Џонс е родена во Велс на 25 септември во 1969 година. Нејзиниот татко, сопственик на фабрика за колачи е во среќен брак со мајката на Кетрин, Патриција која по професија е кројачка. Нејзиниот татко исто така е роден во Велс додека мајка ѝ потекнува од ирско католичко семејство. Името го добила по своите баби, Зети Џонс и Кетрин Фер. Кетрин Зита-Џонс има двајца браќа.
Семејството живеело во предградјето на Мумблес. Поради хиперактивноста на Кетрин нејзините родители одлучиле со четири години да ја запишат во училиште. Иако биле едноставно семејство од средната класа, ситуацијата се сменила кога играјќи бинго освоиле 100.000 фунти, што им овозможило да продолжат да ѝ ги плаќаат курсевите по балет и танц.
Иако веќе одамна таа живее илјадници километри од Велс, своето потекло гордо го истакнува, како и блискоста со своите родители и браќа.