Кети Пери и Орландо Блум ја одложија венчавката поради коронавирусот
Пејачката Кети Пери (35) и нејзиниот партнер, актерот Орландо Блум (43) наводно одлучиле да ја откажат својата венчавка поради страв од коронавирусот, пишува магазинот „Пипл“.
Среќниот пар ја организирал венчавката и речиси сè било подготвено да се изговори судбоносното „ДА“, но поради моменталната ситуација и паника во светот поради коронавирусот, тие одлучиле да ја одложат венчавката додека не е сè побезбедно.
„Сè беше подготвено, 150 гости беа повикани во Јапонија за венчавката. Кети беше навистина возбудена поради сè тоа, особено кога дозна дека е бремена, но сега сè е откажано за некое посоодветно време“, тврди извор близок на парот.
Пејачката и актерот се потиштени поради откажувањето на церемонијата, но се сигурни дека донеле правилна одлука.
„Беа пресреќни што конечно ги договорија сите детали за својата совршена венчавка, а потоа им се случи ова. Тажни се, но направија правилен потег и сфатија дека ќе има друга прилика“, рекол изворот за магазинот „Пипл“.