Кенин и Мугуруза ќе се борат за трофејот во Мелбурн
Младата американска тенисерка Софија Кенин направи големо изненадување во полуфиналето на Австралија Опен со триумфот над првата носителка, Ешли Барти од 7:6,7:5.
Во првиот сет немаше брејкови, а поблизу до тоа беше првата носителка која во шестиот гем од првиот сет имаше три брејк топки кои не ги искористи по што сетот замина во тај брејк. Во одлучувачкиот гем, Барти иако има 6:4, направи грешки и и дозволи на Американката да освои четири поени во серија за триумф во првиот сет.
When you’ve dreamt about this moment since you were 5…
Congrats, @SofiaKenin!pic.twitter.com/qsblSZrJmd
— USTA (@usta) January 30, 2020
Во вториот сет, првата носителка направи брејк во третиот гем и предноста ја држеше се до 10. кога сервираше за освојување на сетот. Имаше две сет топки, но се повтори сликата од првиот сет, Барти направи неколку грешки во серија со кои Кенин дојде до брејк, а подоцна направи нов брејк за конечен триумф од 7:6,7:5 и пласман во финалето.
Нејзина противничка ќе биде Гарбине Мугуруза која со идентичен резултат 7:6,7:5 ја елиминира Симона Халеп.
Ова ќе биде четврто финале за Мугуруза на грен слем турнирите, додека Кенин прв пат ќе биде дел од финалниот меч за титулата.