Манекенката Кендал Џенер (25) и нејзината сестра Кајли Џенер (23) не разговарале „повеќе од еден месец“ откако се случила непријатна кавга која преминала во тепачка за време на нивното патување во Палм Спрингс. Поголемиот дел од познатото семејство Кардашијанс, кога коронавирусот започнал поинтензивно да се шири во Америка, заминале во Палм Спрингс.

Во новата епизода на „Keeping Up With The Kardashians“, во своето „признание“, таа објасни: „Кајли и јас имавме голема расправија кога се враќавме од Палм Спрингс, помина долго време и не сум се слушнала со неа, чудно е. Никогаш не поминало толку време без да зборуваме.“

Кавгата се случила кога биле излезени, кога Кендал, Кајли и момчето на нивната мајка Крис, Кори, завршил во истиот автомобил со нив. Кавгата преминала во тепачка кога Кајли (23), наводно, одбила водачот да ја остави Кендал пред нејзината куќа.

„Се растажив кога Кендал ми кажа дека не се слуша со Кајли, бидејќи ние не правиме така. Кортни и Ким се тепаат и потоа за неколку дена повторно патуваат заедно“, изјави нивната сестра Клои.

„Пред кавгата, Кајли ми покажа една книга во која пишуваше дека гордоста е дел од нашите стравови. Тоа ме потсети на нашата кавга, бидејќи и двете сме алфа девојки и сме навистина тешки… Потоа одлучив да бидат поголем човек и да ѝ се јавам, понекогаш мислам дека таа треба прва да се извини, но сепак се одлучив јас да се јавам“, изјави Кендал.