Кејт Мидлтон откри што ѝ било најтешко во екот на пандемијата
Кејт Мидлтон, војвотката од Кембриџ, јавно призна дека и во кралското семејство, како и во многу други, имало подеми и падови во екот на пандемијата на коронавирусот. Она што изгледа и било најтешко, е како да им објасни на децата што точно се случува. Во тоа, на неа и принцот Вилијам, најмногу во пресрет им излегле училиштата во кои одат децата.
„Имавме подеми и падови исто како и секое друго семејство во изолација. Џорџ е многу постар од Луи и изненадена сум колку тој сфаќаше дека нешто се случува”, рече таа. „Иако не сакав да ги исплашам и да претерувам, мислам дека беше важно некои работи да им бидат објаснети на начин на кој ќе можат да сфатат, соодветно за нивната возраст“, објасни Кејт.
„Тешко е да им се објасни на малите деца што се случува, но училиштата завршија одлична работа и ни помогнаа да им ја објасниме целата ситуација на Џорџ, Шарлот и Луи“, призна војвотката, која со сопругот и трите деца последниве месеци се наоѓа во изолација во семејната куќа во Норфолк.