Кејт Мидлтон ги воодушеви сите со писмото што го испрати до шестгодишното девојче кое го покани деветгодишниот принц Џорџ на својата роденденска забава. Иако војводата и војвотката од Кембриџ, како и остатокот од кралското семејство, секојдневно добиваат огромни количества пораки од обожавателите, Кејт  се погрижила малото девојче, непознато за јавноста, да добие личен одговор од палатата.

А, за таквиот расплет на настанот се огласила мајката на девојчето, која открила дека одговорот на војвотката ќе го чува за спомен, бидејќи тоа е нешто неверојатно, иако пристигнал со неколку месеци задоцнување.

 

View this post on Instagram

 

A post shared by Duke and Duchess of Cambridge (@dukeandduchessofcambridge)

Како што открива „Експрес“, одговорот гласел: „Војводата и војвотката од Кембриџ ме замолија да ти се заблагодарам за писмото со кое го покани принцот Џорџ на твојот шести роденден. Жал ми е што мораше да чекаш толку долго за одговор. Нејзиното кралско височество е исклучително благодарно за твојата прекрасна покана. Откако ги разгледавме сите можности, за жал, со големо жалење морам да кажам дека Нивните кралски височества мора да ја одбијат поканата. Војводата и војвотката од Кембриџ беа крајно трогнати што се потруди да му напишеш на нивниот син, принцот Џорџ. Тоа беше многу внимателно од тебе, па Нивните кралски височества ме замолија да ви ја испратам нивната најтопла благодарност и најдобри желби. Се надевам дека уживавте во вашиот роденден!“

Со овој потег Кејт Мидлтон уште еднаш ги освои срцата на својот народ, но и на целата јавност, покажувајќи дека е на најдобар пат да стане „народна принцеза“ исто како нејзината покојна свекрва, принцезата Дијана.

Започна четиридневната прослава: Кралицата Елизабета слави 70 години на британскиот трон

„Ѝ донесе среќа на репрезентацијата“: Принцот Џорџ во костум ја пееше химната на натпреварот Англија-Германија