Кејот од плоштад до Холидеј Ин ќе почне да се реконструира од јануари, најави Шилегов

Петре Шилегов/ Фото: Слободен печат/Драган Митрески

Градоначалникот на Скопје Петре Шилегов денеска соопшти дека во текот на јануари Градот ќе започне со целосна реконструкција и обнова на просторот кај кејот на потегот од градскиот плоштад до хотелот Холидеј ин. Постапката, информира тој, е завршена и потпишан е договор со изведувачот.

– Бевме договорени на неколкуте состаноци што ги имав со таа заедница дека некаде по Нова година ќе почнуваме и до почетокот на летото ние таму ќе добиеме еден целосно нов, обновен, урбан простор кадешто целосно ќе биде елиминиран проблемот со автомобилите. Кога ќе почнеме градежни работи таму ќе биде невозможно да се движат возилата, рече Шилегов одговарајќи на новинарско прашање на денешната прес-конференција.

Во однос на узурпираните патеки за слепи лица од дел од украсите што се поставени на плоштадот, Шилегов очекува уште денеска да се корегираат. Онаму каде ги забележавме аномалиите при китењето, додаде тој, таму ќе се отстранат.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот