Кејн е подготвен да влезе во „војна“ со Тотенхем само за да се пресели во Сити
Капитенот на Тотенхем, Хари Кејн би можел да одбие да ги започне подгототовките со Тотенхем за новата сезона, доколку не постигне договор со претседателот Даниел Леви.
Новинарот на британски „Телеграф“, Мет Лоу денеска открива дека соиграчиите во англиската репрезентација се сомневаат дека Кејн ќе одбие да ги започне подготовките за новата сезона доколку Тотенхем одбие да го продаде на Манчестер сити.
Кејн смета дека Леви мора да ја прифати понудата од 100 милиони фунти и да му дозволи да се пресели во Манчестер сити каде би бил во позиција за освојува трофеи, нешто што не може да го направи во Тотенхем. Доколку не се случи тоа, одличниот напаѓач би можел да го примени рецептот на Гарет Бејл кој во 2013 година со одбивањето да и се приклучи на екипата, го натера Леви да ја прифати понудата на Реал Мадрид.
Новиот менаџер на Тотенхем, Нуно Еспирито Санто на вчерашната прес конференцијата истакна дека смета на услугите на Хари Кејн и со нетрпение го очекува на подготовките.
– Хари е наш играч и точка. Нема потреба да зборуваме за нештп друго. Сега е време да ја поврати енергијата, да се одмори. Кога ќе се врати во тимот, ќе разговараме. Веќе имавме еден разговор, но сега е време да се одмори. Оптимист сум и едвај чекам Хари да ни се приклучи и да работиме заедно – изјави Еспирито Санто.