Ќе ве засити, а нема да ви го надуе стомакот: Летна салата со ориз
Состојки:
200 грама ориз
250 грама сирење
200 грама маслинки
3 пиперки (црвена, зелена и жолта)
1 главица кромид
брокула
грашок
пченка
Прелив:
1 лажица алкохолен оцет
100 грама исечкан лук
100 милилитри маслиново масло
сок од два лимони
рендана кора од еден лимон
1 лажица оригано
1 лажица сенф
1 лажица мелен ким
сол
црн бибер
Подготовка:
Оризот исчистете го, измијте го, а потоа ставете го да се вари во солена вода. Кога комплетно ќе омекне, извадете го од водата, измијте го со ладна вода и почекајте да се исуши.
Во врела вода, ставете ги кратко да се обарат и брокулата, пченката и грашокот. Кога зеленчукот ќе омекне, и него како и оризот, извадете го од водата, измијте го со ладна вода и почекајте да се исцеди пред да го додадете во салатата.
Откако оризот, брокулата, пченката и грашокот ќе бидат суви, ставете ги во подлабока чинија за сервирање на салата и прелијте ги со малку маслиново масло. Потоа, додајте ги ситно сечканите пиперки, маслинките, лукот и изронетото сирење.
Состојките внимателно измешајте, ги а потоа почнете со подготовка на преливот.
Измешајте ја ренданата кора од лимон со исцедениот сок од лимон, заедно со оцетот, ориганото, сенфот, исечканиот лук и мелениот ким. Постепено додека мешате, додавајте ги и преостанатото маслиново масло, солта и црниот бибер. Убаво измешајте го преливот, а потоа истурете го врз салатата.