Ќе се сечат познатите јапонски цреши во центар (ФОТО)

Фото: Инстаграм

Оваа пролет многу од жителите на Скопје уживаа во раскошните јапонски цреши на улицата „Максим Горки“ во центарот на градот, кои со својата убавина ги пленеа очите на минувачите.

Фото: Инстаграм

Сепак, моменталниот изглед на црешите не е веќе пријатен. Повеќето од црешите на улиците „Максим Горки“ и „Никола Кљусев“ се исушени.

– За жал десетина од јапонските цреши во центарот се исушени. Причината е најверојатно габично заболување, па заради тоа и ќе треба да бидат исечени. Моментално имаме проблем со отстранување на автомобилите од тој регион, но во најбрз рок кога ќе се отстранат ќе бидат исечени исушените цреши – велат од општина Центар.

Тие исто така дополнија дека нови јапонски цреши, на местото на исушените, очекуваат да бидат засадени во некоја есенска акција, но дека моментално немаат цреши. Нови садници се надеваат дека ќе добијат преку донација или со пари од Град Скопје.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот